राष्ट्रीय पुस्तक न्यासतर्फे चीनार पुस्तक महोत्सव

राष्ट्रीय पुस्तक न्यासतर्फे चीनार पुस्तक महोत्सव श्रीनगर, दि. २९ जुलै राष्ट्रीय पुस्तक न्यासतर्फे (नॅशनल बुक ट्रस्ट) येत्या २ ते १० ऑगस्ट दरम्यान श्रीनगर येथे चीनार पुस्तक महोत्सवाचे आयोजन करण्यात आले आहे. महोत्सवाचे यंदा दुसरे वर्ष असून हा महोत्सव शेर-ए-कश्मीर आंतरराष्ट्रीय संमेलन केंद्रात (एसकेआयसीसी) येथे होणार आहे. शारदा लिपीविषयक प्रदर्शन, काश्मीरी, गोजरी, डोगरी आणि अन्य स्थानिक बोलीभाषांवर चर्चा, बदलत्या काळानुसार साहित्य, करोनानंतर डिजिटल युगात कथाकथनाचे बदलते स्वरूप, साहित्य लेखन, प्रकाशन आणि वाचन यावर पुस्तक महोत्सवात चर्चा, परिसंवाद, पुस्तक प्रकाशन, काव्यवाचन इत्यादी कार्यक्रम होणार आहेत. पुस्तक विक्रेते, प्रकाशक, लेखकांचाही सहभाग असणार आहे.