स्वातंत्र्यवीर सामाजिक संस्थेतर्फे 'सागरा प्राण तळमळला' कार्यक्रम

स्वातंत्र्यवीर सामाजिक संस्थेतर्फे 'सागरा प्राण तळमळला' कार्यक्रम डोंबिवली, दि. २८ जानेवारी स्वातंत्र्यवीर सामाजिक संस्थेच्या डोंबिवली आणि नागपूर शाखेतर्फे येत्या ८ फेब्रुवारी रोजी 'सागरा प्राण तळमळला' या सांगितीक अभिवाचन कार्यक्रमाचे आयोजन करण्यात आले आहे. डॉ. शुभा साठे यांनी कार्यक्रमाचे लेखन केले असून दिग्दर्शन डॉ. अनिकेत मुनशी यांचे तर पार्श्वसंगीत शशांक साठे यांचे आहे. कार्यक्रमात शुभा साठे, अनिकेत मुनशी यांच्यासह डॉ. अनुराधा मुनशी, प्रा. गौरव गोंधळेकर, स्वाती गोंधळेकर, सुश्रुत मास्टे सहभागी होणार आहेत. संध्याकाळी पाच वाजता सुयोग मंगल कार्यालय, डोंबिवली पूर्व येथे होणाऱ्या या कार्यक्रमासाठी प्रवेश विनामूल्य आहे. कुळकर्णी ब्रदर्स, डोंबिवली पूर्व, सुयोग मंगल कार्यालय यांचे विशेष सहकार्य कार्यक्रमासाठी लाभले असून डोंबिवलीत होणारा हा सहावा प्रयोग आहे.