ठाणे जिल्ह्यातील ग्रामपंचायतीत 'स्मार्ट लायब्ररी''

ठाणे, दि. ४ जून ठाणे जिल्ह्यातील विविध ग्रामपंचायतींमध्ये २८ स्मार्ट ग्रंथालये उभारण्यात आली आहेत. भिवंडी, कल्याण तसेच शहापूर या तालुक्यांतील ग्रामपंचातींचा यात समावेश आहे. ठाणे जिल्हा परिषदेच्या माध्यमातून ही ग्रंथालये उभारण्यात आली आहेत.विविध विषयांवरील तब्बल २ हजारांहून अधिक पुस्तकांसह ऑडिओबुक्स, स्मार्ट टीव्ही आणि वाय-फाय इत्यादी सुविधाही या ग्रंथालयात देण्यात आल्या आहेत. लहान मुलांसाठी कॉमिक्स, बोधकथापर पुस्तके, ज्येष्ठ नागरिकांसाठी चरित्र ग्रंथ, स्पर्धा परीक्षांची तयारी करणाऱ्या विद्यार्थ्यांसाठी संदर्भ पुस्तके इथे वाचायला मिळणार आहेत. ग्रंथालयात सर्व गटातील वाचकांना विनामूल्य प्रवेश आहे.